Daimler Trucks го претстави Mercedes-Benz GenH2 Truck во концепт видео.
Mercedes-Benz GenH2 Truck е камион кој може да мине до 1.000 километри и повеќе со само еден резервоар од водород, поради што е идеален за долги патувања.
Со оглед на тоа што засега станува збор само за концепт, дометот би можел да биде и зголемен кога ќе се започне со сериско производство. Благодарение на двата резервоари на водород, камионот според перформансите ќе биде конкурентен на конвенционалните дизелски камиони, порачуваат од Mercedes.
Сериското производство ќе почне во втората половина од деценијата.
Daimler Truck претстави и нов електричен камион кој ќе биде ривал на камионот на Tesla. Станува збор за моделот Mercedes-Benz eActros LongHaul кој со полнење на батеријата ќе може да мине околу 500 километри. Овој модел ќе почне да се произведува од 2024 година, а доаѓањето на Tesla електричниот камион се очекува во 2021 година.
