Леонардо Дикаприо, Мерил Стрип и Кејт Бланшет ќе бидат во главните улоги во новата комедија „Don’t Look Up“ во продукција на Netflix, пишува Variety.
Освен нив, во филмот ќе се појават и Џона Хил, Метју Пери, Аријана Гранде, Роб Морган и Џенифер Лоренс.
Режијата и сценариото на филмот cе на Адам Меккеј кој е познат по филмовите „Step Brothers“, „Anchorman“, „Talladega Nights“ и „The Big Short“.
Во филмот „Don’t Look Up“ се зборува за двајца астрономи кои се обидуваат да го спасат светот од астероидот кој се приближува до Земјата. Според првите информации, Дикаприо и Лоренс ќе ги толкуваат ликовите на астрономите.
Снимањето на филмот ќе започне кон крајот на 2020 година.