Мерилин Менсон, кого од февруари годинава најмалку 15 жени го обвинуваат за сексуална злоупотреба и напад, неодамна ја продаде вилата во Холивуд за 1,83 милиони долари.
Тоа е истата куќа за која музичарката Фиби Бриџис тврди дека има „соба за силување“ и дознала за тоа откако со пријатели го посетила местото кога била тинејџерка, бидејќи во тоа време била голема обожавателка на пејачот.
Вилата на Менсон во Холивуд има 2.711 метри квадратни и е опкружена со тераси и градини.
Според Daily Mail, рок-музичарот ја ставил куќата на продажба истиот ден кога побарал да се отфрли тужбата за сексуални напади поднесена против него.
Вилата што ја продаде Мерилин Менсон првпат стигна до насловните страници кога Фиби Бриџис го обзнани големо откритие велејќи дека таму има „соба за силување“ во која Менсон ја однел кога била тинејџерка.
„Отидов во куќата на Мерилин Менсон кога бев тинејџерка, заедно со неколку пријатели. Бев голема обожавателка. Тој за една соба во неговата куќа рече дека е ‘соба за силување’, мислев дека тоа е само неговата ужасна смисла за хумор. Престанав да го обожавам“, рече таа тогаш.