Германската канцеларката Ангела Меркел, која за дваесетина дена најверојатно ќе добие четврт мандат да ја води Германија, има тајна желба да води телевизиско ток-шоу.
Шеесет и тригодишната канцеларка во интервју за весникот „Рајнише пост“ изјави дека освен што сè уште сака да биде канцеларка, би сакала да води и ток-шоу.
„Би го сакала тоа – да водам ток-шоу и притоа да бидам канцеларка“, изјавила Меркел.
Меркел во својата кариера имала огромен број јавни настапи на кои држела говори или водела дебати за актуелни прашања, а во текот на кампањата за изборите што ќе се одржат на 24 септември таа има по пет и повеќе говори пред приврзаници на нејзината партија ЦДУ.
На веб-страницата на германската владата таа редовно објавува видеопораки за најжешките теми во германската политика.
Според анкетите на агенциите за истражување на јавното мислење, приближно половината од Германците со право на глас ќе ја гледаат дебатата меѓу двајцата главни кандидати за германски канцелар. Околу 66 проценти од гласачите очекуваат во дебатата да победи Меркел, а само 17 проценти очекуваат победа подобро претставување на Шулц.
