Германската канцеларка Ангела Мерклер го окарактеризира како проблематично бришењето на Twitter профилот на американскиот претседател Доналд Трамп.
Twitter во петокот трајно го блокира профилот на Трамп, наведувајќи ја како главна причина опасноста од пропагирање насилство по упадот на поддржувачите на Трамп во зградата на американскиот Конгрес.
Одговарајќи на прашање за одлуката на Twitter, портпаролот на германската влада, Штефен Зајберт, изјави дека социјалните мрежи носат голема одговорност за политичката комуникација да не биде затруена со омраза, лаги и поттикнување насилство.
Но, тој додаде дека слободата на мислење претставува право од основно значење и дека кршењето мора да се темели на закон.
„На тоа основно право може да се влијае, но на основа на закон, а не на основа на одлуки на управата на социјалните мрежи. Гледано од тој аспект, Меркел смета дека е проблематична трајната блокада на профилот на Трамп на оваа социјална мрежа“, изјави Зајберт.
