Свет

Меркел по вторпат негативна на тестот за коронавирус, но останува во карантин

25. март 2020 - 19:25 | МИА

Германската канцеларка Ангела Меркел по вторпат е негативна на тестот за коронавирус, но лекарите одлучија таа и натаму да остане во карантин, најмалку до почетокот на следната недела.

-Германската канцеларка и натаму работи од домашниот карантин и најдоцна до почетокот на следната недела уште еднаш ќе се тестира на коронавирус, изјави портпаролот на германската Влада, Штефан Зајберт.

Од владата соопштија дека Меркел своите обврски ги извршува од дома.

Во текот на утрешниот ден таа треба да учествува на две видеоконференциски средби: прво со претседателите на држави и влади на земјите од групата Г-20, а потоа и со лидерите на Европската унија.

Тема на двете средби ќе биде борбата против пандемијата од коронавирусот. 

Коментирај