Берлин, 11 декември 2019 (МИА) – Германската канцеларка Ангела Меркел го нарече својот руски колега Владимир Путин „победник“ на самиот на „Нормандиската четворка“ во Париз, пишува рускиот весник Коммерсантъ.
„Денеска ти победи…“ ги цитира Коммерсантъ зборовите кои Меркел му ги упатила на Путин.
Германската канцеларка, наводно, оваа фраза ја соопштила додека оделе на заедничката прес-конференција.
Новинарите наведуваат дека заклучокот на Меркел бил изнесен „без посебна радост“
Канцеларката, во целина, била задоволна од резултатите на состанокот. Таа за германскиот весник Süddeutsche Zeitung изјавила дека работите се „придвижиле од мртва точка“.
На 9 декември во Париз беше оддржан првиот самит на „Нормандиската четворка“ по три години пауза, на кој учествуваа Владимир Путин, Ангела Меркел, Емануел Макрон и првпат во овој формат и новиот украински претседател Володомир Зеленскиј. Потоа беше оддржана и билатералната средба меѓу Зеленскиј и Путин.