По Лео Меси, ПСЖ сака во своите редови да го доведе и напаѓачот на Јувентус, Кристијано Роналдо, пишува Metro.
ПСЖ летово направи одлична работа, последно засилување на тимот е аргентинскиот напаѓач Меси. Според обложувалниците, францускиот клуб е еден од водечките фаворити за освојување на Лигата на шампиони, а нивниот напад од следната сезона би можел да биде уште поопасен.
Од следната година за ПСЖ би можел да заигра и Кристијано Роналдо. Според пишувањето на Metro, Килиан Мбапе сака да го напушти ПСЖ во 2022 година, а во тимот би можел да пристигне Роналдо.
Неговиот договор со Јувентус истекува следната година, а медиумите пишуваат дека ПСЖ му понудил договор на 2 години.
Агентот на Роналдо, Хорхе Мендес веќе е свесен дека ПСЖ е заинтересиран за португалскиот напаѓач.
