Лионел Меси најверојатно наскоро ќе потпише нов договор со Барселона, според која годишно би заработувал 40 милиони евра.
Еден од најдобрите играчи во историјата на фудбалот, ќе го потпише новиот договор на 1 јули, објави радиостаницата „Кадена КОП“.
Барселона го убедува Меси речиси цела сезона да потпише нов договор, но фудбалерот ја одби првата понуда, која според шпанските медиуми изнесувала помеѓу 30 и 35 милиони евра годишно.
Поради тоа клубот ја зголемил понудата за сума која Аргентинецот не можел да ја одбие.