Аргентинската ѕвезда се огласи со повод неговото непланирано долго отсуство порази заразата со COVID-19.
Лионел Меси со објава на својот Instagram профил објасни што се случува со него и зошто многу подолго од останатите е во карантин поради ковид.
Тој нема играно фудбал од 22 декември затоа што се зарази со коронавирусот, а чумата на 21 век сѐ уште му прави проблеми.
„Добар ден! Како што знаете, имав ковид и сакам да ви се заблагодарам за сите пораки што ги добив и да ви кажам дека ми требаше подолго време за да се опоравам отколку што мислев, но веќе сум речиси опоравен и едвај чекам да се вратам назад на терен“, пишува тој.
„Деновиве тренирам за да бидам 100% подготвен, интересни предизвици доаѓаат годинава и се надевам дека многу брзо повторно ќе се видиме. Благодарам!!!“.
Не е потврдено како точно Меси се заразил, но она што се знае е дека фати корона откако се врати во татковината за празниците. Аргентинските медиуми го обвинија локалниот диџеј Фер Паласио дека го заразил Меси, а тој потоа ги негираше таквите тврдења.
Меси бил на забава организирана од локалната медиумска ѕвезда Коску, кој потоа откри дека двајца од таа забава излегле позитивни и дека сите се гушкале и бакнувале.
Поради заразата Меси мораше да го одложи враќањето во Франција и притоа ги пропушти дуелите со Ван во купот и со Лион во лигата. Нема да игра ниту утре против Брест.