Аргентинскиот офанзивец Лионел Меси на вчерашниот натпревар против Севиља уште еднаш покажа дека е клучен елемент на играта на Барселона, иако уште не е целосно подготвен.
По завршувањето на натпреварот што Барса го доби со 4:0, неколку играчи на Севиља кружеа по теренот и го бараа Меси за да си разменат дрес со него.
Меѓутоа, Меси сите пристојно ги одби и сам му пријде на еден играч на Севиља и му предложи да ги разменат дресовите.
Познато е дека Меси никогаш прв не бара дрес од противнички играч, но и на тоа правило има исклучок – само во случај кога во спротивната екипа има играч од Аргентина, тогаш Меси го прави првиот потег.
Напаѓачот на Барса синоќа му пристапи на Аргентинецот во Севиља – Евер Банега – и разменија дресови.
Фотографијата од двајцата сонародници како седат разголени до појас и разговараат по натпреварот, вирално се рашири на социјалните мрежи.
