Сопругата на Меси, Антонела Рокузо, синоќа на доделувањето на наградите на ФИФА, кое се одржа во Париз, повторно воодушеви со својот изглед.
Сопругата на познатиот фудбалер на оваа престижна награда се појави во едноставен долг црн фустан. За фризурата се одлучи за пунџа во полежерен стил, а на својот аутфит додаде елеганција со малку подолги обетки.
Најнезаборавниот дел од нејзиниот синоќешен аутфит е црвената чанта во форма на ружа. И модниот избор на Лионел Меси беше сведена елеганција – фудбалерот се одлучи за црн костум, црна машна и црни свечени чевли.
„Честитки душо. Многу сме горди на тебе“, гласеше објавата на Instagram профилот на Антонела, откако Меѓународната фудбалска федерација (ФИФА) го изгласа го избра Лионел Меси за најдобриот играч во светот во сезоната 2021/2022. Ова е вкупно седми пат аргентинскиот фудбалер да биде прогласен за најдобар играч во светот според изборот на ФИФА.
