Аргентинецот Лео Меси стана првиот фудбалер од Јужнa Америка кој има постигнато најмалку 80 голови за репрезентација.
Напаѓачот на ПСЖ го постигна првиот гол во дербито на јужноамериканските квалификации против Уругвај, во победа од 3 : 0.
Меси за репрезентацијата досега има одиграно 155 натпревари, летоска дојде до трофеј со националниот тим во Копа Америка, а минатиот месец го урна рекордот на легендарниот Бразилец Пеле по бројот голови за државен тим. Пеле на 92 настапи за Бразил има постигнато 77 голови.
До цифрата 80 на Меси би можел да стигне Нејмар, кој досега бил 69 пати стрелец за Бразил.
Инаку, средбата со Уругвај можеби најмногу ќе биде запаметена по еден од најчудните голови кои Меси ги има постигнато во кариерата, кога во 38-та минута обидот за подавање се претвори во погодок.
