Аргентинскиот ас е повреден од изјавата на Жоан Лапорта која беше дадена во стил дека тој одбил да игра за клубот без паричен надоместок, нешто што на Меси никогаш не му било понудено.
„Вистината е дека, како што и објаснив кога си заминував, направив сѐ што можев за да останам. Никогаш не беше побарано од мене да играм беспари“, објасни Меси за шпански Sport.
Пред неполн месец Лапорта во изјава за RAC1 рече дека до последен момент се надевал дека Меси ќе остане и ќе игра бесплатно, што не се случи бидејќи Меси замина во ПСЖ.
„Од мене беше побарано да си ја намалам платата за 50% и тоа го прифатив без проблем. Имаше услови уште повеќе да му се помогне на клубот. Мојата желба и желбата на мојата фамилија беше да останеме во Барселона“, додава.
„Никој не ми предложи да играм беспари и ми се чини дека зборовите кажани од претседателот не се на место. Ме повредија бидејќи мислам дека нема потреба да кажува такво нешто, тоа е како да ти ја земат топката без да помислат на последиците. Тоа ги тера луѓето да имаат сомнежи за мене, однос што не го заслужувам“.
Меси беше дел од Барса од свои 13 години, а си замина само што наполни 34, настапувајќи 17 сезони во првиот тим.
