Лео Меси упати низа убави зборови за својот порашен лут ривал Икер Касиљас, кој синоќа објави дека заминува во пензија.
Ривалството на Реал Мадрид и Барселона од 2004 година стана и ривалство на Меси и Касиљас, откако Аргентинецот дојде во Европа. Едниот виртуоз, другиот фантастичен помеѓу стативите.
„Денес Икер заминува во пензија, но неговиот статус на легенда во фудбалот одамна беше обезбеден. Не само поради тоа што беше еден од најдобрите играчи во Ла Лига, туку и затоа што освои сѐ на интернационално ниво“, вели Меси запрашан од шпански AS.
Потоа Меси се обрати и директно до самиот Касиљас со кој безброј пати се соочуваше на зелениот терен.
„Ти си неверојатен голман и секогаш беше тежок противник, морам да признаам. Гледајќи во минатото, мислам дека нашето ривалство беше навистина посебно кое нѐ поттикнуваше да се подобруваме секој пат кога ќе игравме еден против друг“, рече Аргентинецот.