Аргентинскиот фудбалски мајстор Лионел Меси (37) поради повреда ќе го пропушти Ол-стар натпреварот во МЛС, закажан за 25 јули во Колумбус.
Напаѓачот на Интер од Мајами го повреди скочниот зглоб пред осум дена во финалето на Копа Америка во победата на Аргентина против Колумбија и сè уште не се опоравил.
Меси требаше да го води тимот на МЛС против најдобрите играчи од мексиканската Лига МХ.
Тој натпревар би бил деби на Ол Стар за 37-годишниот „Гаучо“ откако му се приклучи на Интер Мајами во јули 2023 година по блескавата кариера во Европа.
Меси оваа година на 12 натпревари постигна 12 гола и 13 асистенции.
