„Има реална шанса Лионел Меси да игра со Нејмар во ПСЖ“, тврди британски talkSPORT.
Меси на крајот од минатата сезона побара да ја напушти Барселона, клубот каде ја помина целата професионална кариера, но на крајот мораше да остане бидејќи Каталонците не сакаа да го продадат. На крајот на сезоната истекува договорот на Меси со Барселона и тој може да потпише преддоговор со друг клуб во јануари.
Неговото заминување во ПСЖ се шпекулира најмногу, особено по изјавата на бразилскиот фудбалер Нејмар дека се надева дека ќе игра повторно со Меси, со кого ја делеше соблекувалната во Барселона.
„И покрај заминувањето на претседателот Бартомеу и неговата администрација, Меси е сè уште несреќен во Каталонија. Нашите извори велат дека можно е Меси да замине во ПСЖ кај Нејмар“, пишува talkSPORT и потсетува дека Аргентинецот и Бразилецот од 2013 до 2017 година години играа заедно.
За ПСЖ најголем проблем би бил тоа што ги имаат Меси и Нејмар и Килјан Мбапе во тимот, поради правилата за финансиски фер-плеј, па новинарот Енди Брасел смета дека Мбапе ќе оди во Реал на крајот од сезоната.
„Заминувањето на Мбапе во Реал би отвори простор за доаѓањето на Меси во ПСЖ. Мбапе е секако најголемата желба на Реал, а сопственикот на ПСЖ даде интересен одговор на прашањето за Меси во последните неколку дена. Тој рече дека не планира да стори ништо во врска со тоа без знаење на Барселона...“