Мало село Ојмјакон во сибирската тундра, веројатно е најладното место на светот, во однос на тоа дека просечната зимска температура се движи околу минус 50 степени Целзиусови, а најниската забележана изнесува 68 степени под нулата.
Во самото место живеат околу 500 селани, кои Ојмјакон го нарекуваат „топол дом“, иако во превод името на селото значи „незамрзната вода“.
Луѓето на тоа подрачје најмногу се хранат со месо, кое е богато со проетини, но и затоа што овошје е речиси невозможно да се одгледа и одржи.
За храната обично се грижат сами, бидејќи во местото се наоѓа само една продавница за храна.
Бидејќи почвата е речиси секогаш замрзната, поголемиот дел од тоалетите и се наоѓаат надвор од домот.
Во текот на летото има и сончеви периоди, деновите во просек траат и по 21 час, а температурите се околу 21 степени Целзиусови.