Иако компанијата Meta се откажа од својата криптовалута Diem, се чини дека ќе се појави виртуелна валута, која во моментов внатрешно се нарекува Zuck Bucks.
Како што пишува Financial Times, матичната компанија на Facebook и Instagram подготвува виртуелна валута која вработените ја нарекуваат Zuck Bucks, очигледно по нејзиниот основач и директор Марк Закерберг. Но, не се работи за криптовалута, тука за in-app токени кои би биле контролирани од компанијата, нешто слично на она што се користи во апликациите за игри како валутата Robux во популарната детска игра Roblox. Токму Roblox направи огромен бизнис со Robux, а Meta сака нешто слично на својата платформа.
Во Meta не се дистанцираат целосно од блокчејн производите, бидејќи компанијата исто така сака да објавува и споделува NFT на Facebook. Financial Times наведува дека планот на компанијата е да лансира пилот во средината на мај, а набргу потоа ќе овозможи тестирање на членството на групите на Facebook врз основа на сопственоста на NFT.
Во јануари беа објавени и некои од NFT плановите на Meta за Facebook и Instagram, а Закерберг во март објави дека NFT ќе дојде на Instagram.
Дополнително, Meta истражува „социјални токени“ или „токени за репутација“ кои би можеле да бидат издадени како награди за значителни придонеси во групите на Facebook. Компанијата размислува и за традиционални финансиски услуги како што се заеми за мал бизнис.
