Ноќеска се одиграа четири натпревари од НБА лигата на кои домаќините и гостите забележаа по две победи.
Најинтересно беше во Кливленд каде Јута предводена од Донован Мичел победи со тесни 109:108. Мичел постигна 35 поени и беше најефикасен на паркетот, а втор стрелец на тимот беше Бојан Богдановиќ со 16 поени.
Во редовите на поразениот тим Дариус Гарланд постигна 31 поен, додека Џерет Ален запиша дабл-дабл со 17 поени и 10 скока.
Шарлот, иако зафатен од коронавирусот, успеа да ја победи Атланта на гости со 130:127. Хорнетс до победата ги предводеа Мајлс Бриџис со 32 и Кели Убре со 28 поени.
Во домашниот табор се истакнаа Џон Колинс со дабл-дабл од 31 поен и 12 скока, Кевин Хртр со 28 и Треј Јанг со дабл-дабл од 25 поени и 15 асистенции.
Домашни победи остварија Торонто против Вашингтон и Хјустон против Њу Орлеанс.
Кливленд Кавалирс - Јута Џез 108:109
Атланта Хокс - Шарлот Хорнетс 127:130
Торонто Репторс - Вашингтон Визардс 102:90
Хјустон Рокитс - Њу Орлеанс Пеликанс 118:108