Порака за обединување во блок против актуелната власт испрати денеска од Ташмаруништа лидерот на ВМРО – ДПМНЕ Христијан Мицкоски.
На одбележувањето на 2 Август – Денот на Републиката, лидерот на најголемата опозициска партија рече дека обединувањето ќе значи надминување на разликите во опозицијата.
Но претходно, видно возбуден, се збуни кој празник се чествува денес.
„На сите Македонци, каде и да се, честит Велигден... Илинден, се извинувам, и нека е вечен празникот“, порача претседателот на ВМРО-ДПМНЕ, а присутните му дадоа аплауз.
Илинден, рече потоа, „е нашата светост, посебно чувство за секој Македонец“.
„Тоа е нашата голгота, без која немаше да има слобода. Нашата карпа врз која ја темелиме нашата куќа, затоа како Македонци, како родољуби се поклонуваме на делото“, додаде Мицковски.
Македонија, нагласи, е на сите, ветувајќи дека ќе ја направи за сите граѓани, а не за неколкумина од власта.
(🔴Во живо) Обраќање на Христијан Мицкоски, Чествување Илинден Ташмаруништа(🔴Во живо) Обраќање на Христијан Мицкоски, Чествување Илинден Ташмаруништа
Posted by infomax.mk on Monday, August 2, 2021