Амбициите на Microsoft за вештачка интелигенција (ВИ) се враќаат малку наназад, а компанијата потврди дека помошникот Copilot AI (порано познат како Bing Chat) ќе биде достапен и за Windows 10.
Првично, корисниците на Windows Insider ќе имаат пристап благодарение на претстојното ажурирање Relase Preview, а Copilot AI ќе се појави на десната страна од лентата за задачи. Откако ќе се избере, ќе се појави познатиот интерфејс Copilot, а корисниците ќе можат да поставуваат различни прашања, да управуваат со функциите на Windows или да го користат за интеракција со документи. Microsoft вели дека прозорецот Copilot нема да ја преклопува содржината на работната површина или да блокира отворени прозорци.
Овој потег на Microsoft не е изненадување бидејќи беше објавен од Windows Central претходно месецов, а тука е и фактот дека, иако Windows 11 е најновиот оперативен систем на Microsoft, тој учествува само со 26% од вкупните инсталации на Windows, додека Windows 10 држи 69% од пазарот на Windows.
Во 2020 година Microsoft објави дека Windows е инсталиран на една милијарда уреди, а се чини дека сè уште е над таа бројка. Windows 11 се користи на 400 милиони уреди, па дополнително објаснување зошто Microsoft го носи Copilot AI на Windows 10 навистина не е потребно. Од друга страна, според последните информации, Windows 10 ќе биде без поддршка од 14 октомври 2025 година.
Copilot AI ќе биде достапен на Windows 10 во Северна Америка, делови од Азија и Јужна Америка во следните неколку месеци. Microsoft советува да се инсталира ажурирањето за ноември, по што ќе биде неопходно да се овозможи опцијата Get the latest updates as soon as they're available во делот за ажурирање на Windows.
