Сашо Мијалков, поранешниот директор на Управата за безбедност и контраразузнавање, во раните попладневни часови пристигна во Специјалното јавно обвинителство на распит за случајот „Тортура“.
Случајот „Тортура“ се однесува на апсењето на поранешниот министер за внатрешни работи и лидер на Обединети за Македонија, Љубе Бошкоски, за кое постојат индиции дека била употребена непримерна сила.
Мијалков во случајот е првоосомничен, но СЈО за него не бара мерки за претпазливост. Заедно со Мијалков, во случајот осомничени се уште шест припадници на полицијата, меѓу кои и командантот на специјалната единица „Алфи“, Ивица Антевски – Пуки.
Тие се товарат за нечовечко постапување при апсењето на Бошкоски.
Вчера Мијалков беше на распит во Основниот суд Скопје 1 Скопје, за случајот што го води СЈО под името „Трезор“, кој се однесува на системите за прислушување.
