Милан наводно е подготвен да му го продолжи договорот на Џенаро Гатузо, односно, тој да не биде привремено решение за клупата на „Росонерите“, поради добрите резултати кои почна да ги остварува со клубот.
Гледајќи го периодот од кога ја презема клупата на Милан, Џенаро Гатузо, после недопирливите Наполи и Јувентус, со Милан освои најмногу поени во Серија А.
Значи, „Росонерите“ би биле трети во овој момент, ако се смета дека шампионатот почнал кога тие го назначија Гатузо за тренер.
Серијата на победи им дава надеж дека би можеле да се вратат во битката за чевртото место, а се чини дека клубот полека се враќа на старите добри победнички патеки.
„Успеавме да се вратиме на вистинскиот пат, но мораме да бидеме внимателни, да се сетиме од каде сме почнале“, предупредува Гатузо.
Како и во победата против Лацио, но и во триумфот против СПАК, можеше да се види дека тимот има многу повеќе самодоверба, Бонучи се враќа во форма, а Гатузо успеа да го разбуди и Билја.
Токму поради тоа, Гатузо, кој порано го водеше младиот тим на Милан најверојатно ќе ја продолжи соработката со клубот најмалку на уште една сезона, додека актуелниот договор му истекува во 2019 година.
Меѓутоа, сериозни разговори околу нов договор нема да има до април или мај, бидејќи клубот сака да почека на санкциите на УЕФА, кои им се закануваат поради пропаднатиот договор околу финансискиот фер плеј.