Информациите од Чизмата велат дека „Росонерите“ веќе оствариле контакт со српскиот напаѓач од редовите на Фиорентина.
Иако Милан ќе го задржи Златан Ибрахимовиќ барем уште една сезона, клубот мора да мисли и долгорочно. Затоа, токму 21-годишниот Душан Влаховиќ е идеално решение. Веќе е навикнат на Серија А и сезонава игра фантастично за Фиорентина за која на 29 натпревари постигна 15 гола и запиша 2 асистенции.
Според Tuttosport, Фиорентина не сака ни да чуе да го продаде својот најдобар фудбалер чиј договор истекува во јуни 2023 година. За да ја убеди Виола да го продаде Србинот, Милан очигледно ќе мора да го одврзе ќесето бидејќи моментално Влаховиќ е проценет на 25 милиони евра, но клубот од Фиренца сигурно би барал далеку повеќе.
„Росонерите“ би сакале уште летово тој да се пресели во Милано за да би можел да тренира и игра барем една сезона крај големиот Златан, од кого секако многу би научил.
Токму поради тоа, прилично извесна е позајмица за која Милан исто така би платил, а наредното лето со задолжител и богат откуп би ја исплатил Фиорентина.
Влаховиќ летото 2018 дојде во Фиренца од редовите на Партизан за 2 милиона евра.
