Фудбалерите на Милан се пласираа во групната фаза од Лига Европа откако за влакно го совладаа португалскиот Рио Аве.
„Росонерите“ не успеаја да ја сочуваат предноста стекната во 51. минута, па домашните успеаја да израмнат преку Жералдес и да го воведат натпреварот во продолженија.
На стартот на дополнителните 30 минути, Желсон погоди за 2:1 и до 120-тата минута Рио Аве имаше предност.
Не успеаја да ја сочуваат истата предност, бидејќи Хакан Чалханолу реализираше пенал во втората минута од продолжението, па започнаа пеналите.
Потоа дојде вистинското лудило, нешто слично на минатогодишниот натпревар помеѓу Копенхаген и Црвена звезда.
Фудбалерите на Рио Аве шутираа пенал трипати, што ќе им обезбедеше пласман во Лига Европа, но промашија во сите три обиди.
На крајот, Адерлан го промаши клучниот пенал и Милан успеа да се пласира во групната фаза од Лигата на Европа.
Голема штета за мал клуб како Рио Аве, но и голема лекција.