Македонската одбојкарска репрезентцаија синоќа оствари планирана победа над Босна и Херцеговина, но играта не беше на ниво, а воедно и загубивме еден сет.
Примачот Владо Милев смета дека потребно е тимот да се консолидира и да се подобри во секој поглед бидејќи веќе утре нѐ чека нов предизвик.
„Лесен е одговорот на прашањето што треба да поправиме во нашата игра. Треба да поправиме сѐ, да бидеме многу подобри во секој елемент. Да се браниме подобро, да го организираме нападот за посигурни позиции и да бидеме поефикасни во реализацијата. Долго сум во репрезентацијата и мислам дека можеме да го направиме тоа“, вели тој.
Милев на вчерашниот натпревар, кој заврши со победа од 3:1, постигна 13 поени од кои 12 преку напад и еден од блок.
Следниот предизвик за Македонија во квалификациите за пласман на ЕУРО 2021 е утре кога од 18 часот играме против силната Турција. Директен пренос ќе има на МРТ1.