Селекторот на македонската фудбалска репрезентација, Благоја Милевски, точно на пладне го објави списокот со повикани играчи за отворањето на новиот циклус квалификации.
Македонија жрепката ја смести во крајно тешка група со гигантите Италија и Англија, двата финалиста од последното ЕУРО 2020, потоа незгодната Украина, како и аутсајдерот Малта. Токму против Малтежаните на 23 март во Скопје ги отвораме квалификациите.
Милевски се одлучи да повика 28 фудбалери,, со оглед на тоа што по Малта „Рисовите“ ќе одиграат и контролка, на која шанса се очекува да добијат сите што нема да играат со Малтежаните.
Единствено ново име е 24-годишниот играч од дефанзивната средина на кипарски АЕЛ, Давор Здравковски, кој порано има настапувано за младинските репрезентации.
Поради повреда не се повикани централниот дефанзивец Никола Серафимов и играчот за врска Тихомир Костадинов, суспензија поради црвен картон има Тодор Тодороски, додека изоставени се Бобан Николов и Стефан Спировски, кои немаат минутажа во Стеауа и Пјуник.
На списокот се и петмина од домашната лига, но двајца од нив се голмани.
Голмани:
Столе Димитриевски - Рајо Ваљекано (Шпанија)
Дамјан Шишковски - Докса (Кипар)
Кристијан Наумовски - Шкупи
Игор Алексовски - Работнички
Одбрана:
Висар Муслиу - Инголштат 04 (Германија)
Ѓоко Зајков - У Крајова (Романија)
Дарко Велковски - Ал Етифак (Саудиска Арабија)
Стефан Ристовски - Динамо (Хрватска)
Езѓан Алиоски - Фенербахче (Турција)
Егзон Бејтулаи - Шкендија
Кире Ристевски - Пјуник (Ерменија)
Владица Брдаровски - Шкупи
Бојан Димоски - Академија Пандев
Средина:
Енис Барди - Трабзонспор (Турција)
Елиф Елмас - Наполи (Италија)
Аријан Адеми - Динамо (Хрватска)
Јани Атанасов - Краковија (Полска)
Агон Елези - Вараждин (Хрватска)
Давид Бабунски - Мезекевешд (Унгарија)
Давор Здравковски - АЕЛ (Кипар)
Стефан Ашковски - Ламија (Грција)
Напад:
Бојан Миовски - Абердин (Шкотска)
Александар Трајковски - Ал Фајха (Саудиска Арабија)
Милан Ристовски - Спартак (Словачка)
Дориан Бабунски - Дебрецен (Унгарија)
Балон Етеми - Истанбулспор (Турција)
Илија Несторовски - Удинезе (Италија)
Дарко Чурлинов - Барнли (Англија)
Собирот на „Рисовите“ е на в недела на 19-ти.
По дуелот со Малта нашите фудбалери се слободни во 2. коло од квалификациите, па затоа ФФМ закажа пријателски натпревар против Фарски Острови, репрезентација со која никогаш во нашата фудбалска историја не сме играле.
