Селекторите на македонската и германската репрезентација, Благоја Милевски и Ханс-Дитер Флик, ги одредија почетните единаесетмина за вечерашната пресметка во рамките на 8. коло од мундијалските квалификации.
На нашиот гол ќе биде стандардниот Столе Димитриевски; во одбраната лево Езџан Алиоски, стопери Дарко Велковски и Висар Муслиу, а десно капитенот Стефан Ристовски; во средината триото Аријан Адеми, Бобан Николов и Тихомир Костадинов; лево крило Елиф Елмас, десно крило Дарко Чурлинов и најистурен искусниот Адис Јаховиќ.
Германскиот селектор Ханси Флик се одлучи за Мануел Нојер на голот; во одбраната лево Давид Раум, стоперите Тило Керер и Никлас Зиле, десно Лукас Клостерман; во средината двоецот Јосуа Кимих и Леон Горецка; во офанзивата Каи Хаверц, Томас Милер и Серж Гнабри; во нападот најистурен Тимо Вернер.
Натпреварот ќе го суди холандскиот арбитар Дани Макели. Почетокот е за 20:45 часот, а директен пренос ќе врши Sportklub 2 со коментар на Бранко Илиевски.