Селекторот на младата фудбалска репрезентација на Македонија го објави списокот на повикани играчи со кои ќе се обиде да дојде до две победи во претстојните квалификациски натпревари.
Репрезентацијата до 21 година на 8 октомври прво гостува кај Казахстан, додека на 13-ти на домашен терен го пречекува Израел. Со цел да се дојде до второто место во квалификациската група, каде апсолутен фаворит е Шпанија, на надежите им се потребни 6 бодини од овие два натпревара, односно две победи. За таа цел селекторот Благоја Милевски повика 23 играчи.
„Очекувам да ги повториме добрите игри од последните два натпревара против Шпанија и Фарски Острови. Казахстан е сериозна екипа, играат тимски и агресивно, а тоа го потврдија на нашиот прв меѓусебен дуел во Скопје. Во составот недостасува Трапановски, а дебитат е Миовски од унгарски МТК. Сметам дека имаме квалитет и потенцијал за добар резултат и наша цел е да останеме конкурентни за висок пласман во групата до крајот од квалификациите. Добрата игра против Шпанија не ни донесе бодови, а тоа значи дека не ни преостанува ништо друго освен да се бориме за победа на секој натпреавр до крајот од квалификацискиот циклус“, вели селекторот Милевски.
Голмани:
Ристо Јанков - Работнички
Давид Денковски - Брегалница
Марио Алчевски - Академија Пандев
Одбрана:
Агрон Руфати - Зорја (Украина)
Есмин Личина - Македонија ЃП
Филип Антовски - Славија (Бугарија)
Тодор Тодороски - Осијек (Хрватска)
Никола Серафимов - Академија Пандев
Блертон Шеји - Струга
Оливер Стоименовски - Борец
Сефер Емини - Македонија ЃП
Средина:
Давор Здравковски - АЕЛ (Кипар)
Кристијан Ацковски - Брегалница
Енис Фазлагиќ - Жилина (Словачка)
Јани Атанасов - Хајдук (Хрватска)
Томче Гроздановски - ВиОН Злате Моравце (Словачка)
Димитар Митровски - Спортинг, (Португалија)
Напад:
Бојан Миовски - МТК, (Унгарија)
Дарко Чурлинов - Штутгарт (Германија)
Ердон Даци - Коњаспор (Турција)
Давид Тошевски - Ростов (Русија)
Марко Ѓорѓиевски - Раднички Пирот (Србија)
Лавдрим Фазлиу - Пелистер
