Еден проблем и пропадна тројната размена помеѓу Рома, Јувентус и Наполи откако полскиот напаѓач го одби понудениот договор од римјаните.
Сѐ изгледаше спремно: Един Џеко од Рома во Јуве, Матија Де Шиљо и Аркадиуш Милик од Наполи во Рома, а парите кај Наполи. Но, последната алка во оваа калчолигашка размена ја запре зделката и ги искомпликува работите.
Милик го одби 5-годишниот договор вреден 5 милиони евра по сезона кој Рома му го понуди и покрај тоа што е повеќе од она што го заработува во Неапол. Полјакот очигледно не сака да се пресели во Рим, а тоа значи проблем за Јувентус како трета страна во овој трансфер бидејќи ако Рома нема замена за Един Џеко, тогаш Босанецот не може да оди во Торино.
Сега Јуве ќе треба повторно да се насочи кон Луис Суарес кој е на излезна врата од Барселона. Џеко ќе беше поевтина опција, но Милик ги расипа плановите на „Старата дама“.
