Српскиот актер со европска кариера Милош Биковиќ е роден само три години пред распадот на СФР Југославија, и како и многу семејства, и неговото семејство живеело во лоша финансиска состојба за време на војната.
„90-тите години на минатиот век беа тешки за нас. Тато ја изгуби работата и имаше моменти кога немавме ниту најосновните потреби, а сокот и чоколадото беа луксуз за нас. Но, тогаш не беше тешко само за нас, туку и за целата нација“, раскажува Биковиќ.
Без оглед на тоа што неговото семејство немало пари, не патувале и не уживале во изобилство, Милош немал несреќно детство.
„Често играв кошарка, фудбал и други игри со моите другари и тоа подразбираше да бидеме активни и да се дружиме. Имавме среќа, бидејќи денешните генерации растат со екраните на мобилните телефони и не се гледаат едни со други, туку играат во тој виртуелен свет, несвесни за последиците “, рече актерот.