Најголема вина на јавниот обвинител Марко Зврлевски е што случајно го открил поткупот на Зоран Заев, рече Антонио Милошоски, на денешната собраниска седница за разрешување на Зврлевски.
Заменик министерот за правда Оливер Ристовски рече дека предлогот за разрешување на Зврлевски, Заев не го поднел како градоначалник туку како премиер.
Тврди дека тоа не е поради политички реваншизам.
Зоран Илиоски од ВМРО-ДПМНЕ рече дека предлогот за разрешување на Зврлевски е политички, а не правен.
Според Обвинителството, Заев во својство на градоначалник на Општина Струмица од струмичкиот бизнисмен Иван Николов побарал поткуп од 163.924 евра, односно по две евра за еден квадратен метар градежно земјиште во Струмица, за кое Николов бил заинтересиран да го приватизира. Половина од парите, како што стои во обвинението, требало да бидат за Заев, а другата за изградба на црква во Струмица.
Судскиот процес за „Поткуп“ трае речиси две години.