Кошаркарите на Милвоки Бакс го освоија НБА купот откако со 97:81 ноќеска го совладаа Оклахома Сити Тандер во финалето.

Милвоки до победата го предводеше одличниот Јанис Адетокунбо, кој забележа трипл-дабл учинок и стана МВП на НБА купот.
Во финалето грчкиот ас постигна 26 поени со дури 19 скока и 10 асистенции, а Демиен Лилард додаде 23 поени со по 4 скокови и асистенции. Следеа Брук Лопес и Гери Трент со по 13 поени.
Giannis was unstoppable in the #EmiratesNBACup 🤯
— NBA (@NBA) December 18, 2024
▪️ 30.5 PPG
▪️ 10.2 RPG
▪️ 7.7 APG
▪️ 2.8 BPG
▪️ 1.2 SPG
▪️ 66.7 FG%
His Bucks are the champs and he takes home MVP honors 👏🏆 pic.twitter.com/EEvXWavs6w
На другата страна Канаѓанецот Шеј Гилџс-Александер постигна 21 поен, но со дури 16 промашувања од поле. Џејлен Вилиамс уфрли 18 поени, а Германецот Ајзеа Хартенштајн дабл-дабл со 16 поени и 12 скокови.
Првите две четвртини беа израмнети. Оклахома ја доби првата минимално со 28:17, а Милвоки втората со 24:22. Разликата настана во третата која Милвоки ја доби со 12 разлика (26:14), за во последната да ја одржи предноста.
На овој начин Милвоки го наследи Лос Анџелес Лејкерс како победник на НБА купот, а секој играч на Бакс доби премија од по половина милион долари.
За некои играчи таа бројка навистина ќе значи многу. Имено, Стенли Умудеј, Лиам Робинс и Рајан Ролинс имаат годишна плата помала од 600.000 долари и на овој начин значително ќе ја подобрат својата банкарска сметка.
And then only one remained...@Bucks are the 2024 #EmiratesNBACup Champions 🏆 pic.twitter.com/Dc7aH31kxi
— NBA (@NBA) December 18, 2024