Серијата лоши резултатите Милвоки Бакс ја прекина со победа над досега најдобриот тим во НБА, Бостон Селтикс, и тоа со високи 33 поени разлика.
Кошаркарите на Милвоки Бкас по шлаканицата од Јута Џез се чини дека се освестија, па заиграа далеку подобро и тоа кога беше најпотребно - во дуелот со лидерот на Истокот и воедно екипата со најдобар скор во НБА сезонава, Бостон Селтикс.
Боби Портис и Јанис Адетокунбо запишаа дабл-дабл. Портис постигна 28 поени со 12 скокови без асистенции, додека Гркот имаше ефект од 24 поени и 12 скокови со 6 асистенции. Демиен Лилард додаде 21 поен, Малик Бизли 16, а Брукл Лопес 15.
Кај гостите од Бостон најрасположен беше Пејтон Причард со 21 поен, Сем Хаузер уфрли 15, а Канаѓанецот Ошеј Брисет 13.
Милвоки сега со скор од 26-12 и натаму е втор на Истокот, токму зад Бостон кој го запиша само 9-тиот пораз сезонава, а има 29 победи. Бостон и севкупно е најдобар со оглед на тоа што лидерите на Западот, Оклахома Сити Тандер и Минесота Тимбервулвс имаат скор од 26-11.
Далас Маверикс без Лука Дончлиќ го совлада Њујорк Никс со 128:124 благодарение на расположените Кајри Ирвинг и Тим Хардавеј. Ирвинг уфрли 44 поени со 10 асистенции, додека Хардавеј имаше 32 поена.
Кај гостите од Големото јаболко најдобри беа Џулиус Рендл и Џејлен Брансон со 32 односно 30 поени.
Резултати:
Кливленд Кавалирс - Бруклин Нетс 111:102
Милвоки Бакс - Бостон Селтикс 135:102
Оклахома Сити Тандер - Портланд Треил Блејзерс 139:77
Далас Маверикс - Њујорк Никс 128:124
Лос Анџелес Лејкерс - Феникс Санс 109:127
Табела:
