Подгответе вкусна и едноставна мимоза салата.
Состојки:
250 грама кисела павлака
300 грама мајонез
2 компири
2 моркови
5 јајца
250 грама шунка
250 грама кашкавал
сол и црн пипер
Подготовка:
Компирите, морковот и јајцата сварете ги и оставете добро да се изладат. Во сад ставете ги киселата павлака и мајонезот, зачинете и добро измешајте.
Во стаклена чинија на дното ставете рендан компир, потоа премачкајте од преливот со павлака и мајонез.
Ставете рендан морков па потоа пак од преливот, еден ред наредете ренадана белка и повторно од преливот.
И така со сите продукти наредете до горе во чинијата, одозгора премачкајте со преливот па декорирајте.
Пријатен апетит.