Денес се навршуваат 31 година од смртта на легендарниот пејач Фреди Меркјури, кој е најзаслужен за светската популарност на рок групата Квин.
Роден е како Фарох Булсара, почнал да се претставува како Фреди додека бил во британскиот интернат за момчиња „Свети Петар“ во Мумбај. Официјално го променил своето име во Фреди Меркјури околу 1970 година, кога била формирана групата Квин.
Во 2018 година и официјално беше прогласен за најдобар пејач на сите времиња. Група на австриски, чешки и шведски научници спроведе истражување, кое го објави магазинот Logopedics Phoniatrics Vocology. Од резултатите научниците заклучија дека гласните жици на Фреди, едноставно се движеле побрзо во однос на другите луѓе.
Ќе остане запаметен по енергичните сценски настапи и исклучителниот вокален талент. Неговиот глас е еден од најпрепознатливите во светот на музиката. Неговите хитови како „Bohemian Rhapsody“, „Don't Stop Me Now“, „The Show Must Go On“, „I Want To Break Free“ и други се вечни.
Открил дека има СИДА еден ден пред да почине
Фреди почина од последици на СИДА на 24 ноември 1991 година, по 24 часа откако во јавноста беше објавено дека е болен.
Други интересни факти за животот на Фреди може да прочитате овде.
