Салвадор Собрал, минатогодишниот победник на Евровозија, за португалските медиуми изјави дека израелската песна ја смета за „ужасна“, па предизвика лавина од коментари кај останатите учесници.
Салвадор вели дека ништo не е променето во однос на минатата година, а за израелската песна истакна дека е „ужасна“, додека за останатите вели дека не сакал ниту да ги слуша.
„Youtube мислеше дека ќе ми се допадне израелската песна. Ја пуштив и се разочарав. Навистина е ужасна. За среќа, ова година не морам ништо да слушам“, изјави Салвадор за португалските медиуми.
Јасно е дека ова предизвика критики од страна на минатогодишните, но и од овогодинешните учесници за изборот за најдобра песна.
Од друга страна, претставничката на Израел, Нета, на овие критики му врати со мирољубив тон.
„На Салвадор му ја испраќам целата љубов, но и на уметниците од сите жанрови. Двостраната почит и различноста во соработката е она што и треба сега на оваа Евровизија“, напиша Нета на социјалните мрежи.
Исто така, Жак Худек, кој ја претставуваше Хрватска на Евровизија минатата година му одговори на критиките, но тој беше исклучително поостар од претставничката на Израел:
„Засрами се Салвадор, засрами се. Дали така треба да зборува еден победник на Евровизија? Толку се трудеше да се претставиш како хуман човек, вистински уметник и можеби ја измами цела Европа, но не и мене. Да ти кажам нешто Салвадор - минатата година кога ги пропушти сите проби и кога твојата сестра ги обработуваше наместо тебе, Евровизиската комисија требаше да те дисквалификува! Тоа беше ужасно непрофесионално и екстремно непочитување кон сите нас кои вложувавме голем труд. Дури и во победничкиот говор беше непријатен кон нас, твоите колеги, но сега си уште понепријатен поради коментарите кон израелската претставничка Нета и нејзината песна, тоа е невидено. Сите тие млади уметници имаат свои сништа и моментално се под голем притисок, па кој си ти да ставаш сенка над нив?“, заклучи Жак во својата објава на Facebook.
