Кога немате многу време и сакате нешто едноставно, вкусно и брзо, мини пиците се одлично решение. Можете да ги направите со домашно тесто, лиснато тесто или без тесто со подлога од компир или сладок компир (батат).
Пробајте ја оваа поздрава верзија на ова популарно јадење.
- 2-3 големи слатки компири (батати)
- сос од домати
- 1 лажица маслиново масло
- 80 гр моцарела (или кашкавал по избор)
- 5-6 листови свеж босилок
- сол
- бибер
Загрејте ја рерната на 200 степени и обложете плех со хартија за печење. Слатките компири измијте ги и исечете ги на прстени. Ставете ги на плехот и лесно премачкајте ги со маслиново масло, а потоа посолете и побиберете. Печете 15 минути од двете страни.
Додадете неколку лажици доматен сос и свежа моцарела на секој круг компир и печете уште 5-10 минути или додека моцарелата не се стопи. Доколку моцарелата ви е скпа производ, користет кашкавал по ваш избор, но да не е растителен. Кога ќе бидат готови одозгора ставете им свеж босилок, сол и бибер.
