Министерството за финансии најави засилена борба против нелојалната конкуренција во е-трговијата

Скопје, 14 октомври 2019 (МИА) – Министерството за финансии во соработка со Управата за јавни приходи, Царинската управа и Финансиската полиција најавува засилени активности во борбата против нелојалната конкуренција во е-трговијата.

Се најавуваат засилени контроли на оние поединци кои не се регистрирани во системот, подготвување на конкретен акциски план, како и изработка на платформа каде ќе се пријавуваат нерегистрираните продавачи.

Според министерката за финансии Нина Ангеловска, потребна е взаемна соработка на сите засегати страни со цел да се сузбие сивата економија во овој сектор и да се заштитат институциите, реалниот сектор и купувачите.

– Ќе формираме работна група затоа што од една страна производите влегуваат на пазарот, од друга страна има некој кој ги продава овие производи на социјалните мрежи, од трета страна го имаме купувачот кој ги купува производите, а за тоа не добива фискална сметка. На крајот се сведува на тоа купувачот, кој не е задоволен, да поднесе жалба до Државниот пазарен инспекторат, кој не може да реагира, бидејќи нема фискална сметка. Мораме и на крајните потрошувачи да им обратиме внимание да внимаваат од каде порачуваат, за сите заедно да ги заштитиме и купувачите и институциите и да му помогнеме на реалниот сектор, изјави Ангеловска по денешната тркалезна маса за сузбивање на даночната евазија во е-трговијата.

Наскоро, како што најави таа, се очекува да биде поставен и скенер во Поштата за да може сите пратки кои пристигнуваат да не зависат само од мануелната проверка на поединци.

И од Управата за јавни приходи велат дека постојано вршат засилени контроли, а од финансиската полиција посочуваат дека постапувале во вакви случаи.

Според податоците на Народна банка, во земјава има околу 960 регистрирани електронски трговци, но нема точни податоци за бројот на нерегистрирани е-трговци кои нудат и продаваат производи преку социјалните мрежи. Генерално, сивата економија во земјата е околу 30 проценти, а во овој процент влегува и нелојалната конкуренција во е-трговијата.

Електронската трговија станува се поприсутна кај нас. Податоците на Асоцијацијата за електронска трговија покажуваат дека минатата година за 26 проценти пораснал обемот на плаќање со картички на електронски продавници односно оти тој во првото полугодие од годината изнесува 86 милиони евра.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Македонија

Донесено упатство за радиодифузерите за претседателските и парламентарните избори

Read more

Три лица искасани од кучиња скитници во Скопје

Read more

Петровска: Судот донесе одлука дека Ковачки неправедно ме клеветел

Read more

Денеска се отвора Џевахир Мол Скопје во Аеродром

Read more
 

Вести

Fox News открива: САД потрошиле најмалку 113 милијарди долари за војната во Украина

Читај повеќе

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе

Притвор од 48 часа за две лица кои се задржани по убиството на лекарот во Железара

Читај повеќе

ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови

Читај повеќе