Министерството за култура демантира дека националните установи Македонска опера и балет и националната и универзитетска библиотека Свети Климент Охридски во Скопје ќе добијат нови барокни фасади.
„Министерството за култура најостро ги демантира паушалните и невистинити информации кои ги пласираа некои од медиумите и некои претставници на политички партии, а кои се однесуваат за наводна барокна промена на постоечките фасади на националните установи Македонска опера и балет и националната и универзитетска библиотека Свети Климент Охридски во Скопје“, се вели во демантот.
Понатаму од Министерството за култура напомнуваат дека станува збор за национални установи чии објекти се изградени според конкретни идејни решенија во втората половина на минатиот век и нивниот изглед е автентичен со тоа нема да има никаква промена на фасадите на овие објекти.