Австралиската манекенка Миранда Кер и нејзиниот сопруг Еван Шпигел станаа родители на уште момче, кое го доби името Мајлс.
Убавицата не може да ја сокрие среќата што стана мајка по трет пат.
„Не можеме да ја сокриеме возбудата за тоа што станавме родители на Мајлс. Многу сме среќни и им благодарам на сите кои ни дадоа поддршка и ни честитаа“, напиша Миранда на Instagram.
Австралиската убавица со сегашниот сопруг, основачот на Snapchat, го има 17-месечниот син Харт, додека со поранешниот сопруг Орландо Блум го има 8-годишниот Флин.
Веста за бременоста ја објави пролетва, а многумина ги изненади тоа што остана бремена само девет месеци по раѓањето на синот Харт. Миранда и Еван се во брак две години.
