Пеп Гвардиола би можел да биде следниот холандски тренер, пишува The Mirror.
Сѐ погласни се шпекулациите дека шпанскиот стручњак ќе го напушти Манчестер Сити во летото 2023 година, по истекот на договорот, со кого од 2016 година освои три и е на добар пат да ја освои четвртата титула.
Холандската фудбалска асоцијација наводно сериозно работи на план да му ја понуди на 51-годишниот Шпанец тренерската позиција која моментално ја извршува Луис ван Гал. Гвардиола во неколку наврати изјави дека нема да го продолжи договорот со Сити и дека би сакал да води репрезентација.
„Мислам дека ќе биде доста по седум години во овој клуб. Ќе паузирам и потоа би сакал да водам некој јужноамерикански клуб или европска или јужноамериканска репрезентација. Би сакал да играм на Копа Америка“, изјави Гвардиола минатото лето.
Пред да го преземе Манчестер Сити, Шпанецот беше тренер на Баерн, а пред да дојде во Минхен паузираше 12 месеци по заминувањето од Барселона. Беше многу успешен и со Баерн, освојувајќи три титули во низа.