Претставничката на Јамајка Тони Ан-Синг е избрана за Мис Свет 2019.
На синоќешната свеченост во Лондон што ја водеше Пирс Морган, круната ѝ ја предаде минатогодишната победничка, Ванеса Понс од Мексико.
„Сакам да донесам промена што ќе биде оддржлива. Доколку зборуваме за жените, тоа мора да биде нешто што ќе ги обезбеди нивните деца и децата на нивните деца да имаат поинаков живот“, рече 23-годишната Тони Ан-Синг пред новинарите по освојувањето на титулата најубава жена на светот.
„Во ред е да се слават нешта како убавината и доблести како силата и слично, ама ова е многу повеќе“, рече новата Мис Свет, прегрнувајќи ги родителите Џахрин и Бредшо.
Тони, студентка на Универзитетот на Флорида, во делот за покажување на таленти на изборот за Мис Свет 2019 ја испеа песната „I have nothing“ на Витни Хјустон.
Со крунисувањето на Ан-Синг за Мис Свет, сега сите врвни избори за убавина – Мис САД, Тинејџерска Мис САД, Мис Америка и Мис Универзум – имаат крунисано по најмалку една црна жена.
На второ место годинава се пласира Мис Франција, а трета беше Мис Индија.
Јамајка досега имала три претставнички крунисани за Мис Свет – во 1963, 1976 и 1993 година.