Мишел Фајфер се потсети како било да се работи на познатиот криминалистички трилер Scarface кога имала само 25 години.
Познатата актерка се прослави со главната улога во филмот Grease 2 од 1982 година, а една година подоцна, по напорната аудиција, успеа да добие улога во филмот Scarface, во кој глумеше покрај Ал Пачино, Марк Марголис и Мери Елизабет Мастрантонио. Во култниот филм таа ја играше Елвира Хенкок, сопруга на мафијаш кој се вљубува во Тони Монтана (Пачино).
Фајфер минатата година во подкастот The Skinny Confidential откри дека се чувствувала многу несигурно на снимањето на филмот бидејќи немала доволно актерско искуство во споредба со нејзините колеги.
„Секоја вечер заспивав во солзи кога го снимав Scarface. Ете, толку самодоверба имав“, рекла Фајфер, пренесува Unilad.
Аудицијата исто така ја исцрпила бидејќи траела два месеци, а за Пачино таа не била првиот избор за улогата на Елвира бидејќи глумела во Grease 2.
„Аудицијата беше многу интензивна и макотрпна, мислам дека траеше два месеци, но имав чувство дека траеше една година“, се присетува таа. „Тоа беше голема работа за мене. Ал сакаше друга актерка во таа улога, што е разбирливо. Јас бев девојката од Grease 2“.
Иако мислела дека нема да учествува во филмот, еден месец по завршувањето на аудицијата, добила покана да се придружи на остатокот од актерската екипа во Њујорк.
„Бев многу нервозна. Ал е љубезна, добра и дарежлива личност, но бев опкружена со сите овие искусни актери и немав големо искуство зад мене“, објасни актерката.
И покрај нејзината несигурност, Фајфер ги воодушеви гледачите со својот настап, кој ѝ помогна да се пробие во светот на Холивуд. Подоцна се појави во блокбастерите Batman Returns, Dangerous Minds и Hairspray, што го зацврсти нејзиниот статус на филмска ѕвезда.
