Aprilia долго време беше мистериозна кога станува збор за новиот мотоцикл Tuareg 660.
Освен фактот дека оваа машина требаше да послужи како основа за целата новасерија, малку се знаеше за моделот.
Aprilia Tuareg 660 го имаше своето прво појавување на саемот EICMA во 2019 година, а во меѓувреме, овој ADV модел од средна класа стана вистинска мистерија.
Се чини дека сега Aprilia одлучи да се отвори, иако има уште нешто што сѐ уште не го знаеме за овој мотоцикл. Она што го знаеме е дека паралелниот твин агрегат со волумен од 660 кубни метри ќе донесе 80 КС. Има и 70 Nm максимален вртежен момент, чија испорака е прилагодена на она што се бара од една авантуристичка машина за турирање.
Tuareg 660 тежи 187 кг, со волумен на резервоарот од 18 литри. Кога ќе се комбинираат двете, тогаш тежината треба да биде помеѓу 200 и 205 кг.
Меѓуоскиното растојание е нешто повеќе од 1.500 мм, што значи дека Tuareg 660 е доста компактен. Италијанците наведуваат дека неговата тежина е централизирана така што мотоциклот има низок центар на маса. Висината на седиштето е 860 mm, и покрај предната и задната суспензија од 240 mm.
Централниот дел на кокпитот е 5-инчен TFT екран, преку кој можете да изберете еден од четирите режими на возење (два се целосно прилагодливи), ABS, темпомат и слично.
Засега нема информации за цената, но очекуваме Aprilia Tuareg 660 да се позиционира меѓу моделите Yamaha Ténéré 700 и KTM 890 Adventure.
