Во северниот дел од Арканзанс забележана е дупка на длабочина од еден метар, од која излегува голем пламен. Научниците се збунети и немаат никакво објаснување за оваа појава.
Пред точно две недели, во северниот дел на Арканзас се случи една несекојдневна ситуација - на приватен посед почна да излегува оган од земјата до височина од дури 3,6 метри.
Пожарникарите после пријавата веднаш излегоа на терен, каде го здогледаа огнот кој гореше 30 до 45 минути пред тие да дојдат.
„Ја измерив температурата во дупката и покажа дека таа изнесува 780 степени внатре во неа. Но, што го предизвика тоа? Навистина не знам, немаше никаков миризба која би укажувала дека можеби станува збор за природен гас“, вели началникот на противпожарната единица, Доналд Тактер.
Па, што може да предизвика појава на оган во дупка со величина на одбојкарска топка?
Џим Сиершула, директор за вонредни ситуации во округот Бакстер, се консултираше со геолози за да се обиде да сфати како воопшто е создадена дупката, но и да пронајде одговор на прашањето од каде се појавил огнот.
„Тие ја проучуваа дупката со помош на камери и утврдија дека е направена од животно, во однос на тоа дека постојат хоризонтални ходници ископани под земјата кои пресекуваат дренажен канал кој се наоѓа во близина“, потврди Џим.
Кога станува збор за огнот, експертите никако не можат да ја откријат причината, па фотографиите кои се објавени на интернет отворија бројни теории.
Еден корисник на YouTube забележа дека вулканска цевка порано го хранела угасениот вулкан во ова подрачје под назив Кратерски Дијаманти, иако дијамантските полиња се оддалечени околу 289 километри од Мидвеј.
Други ја споменаа опсерваторијата на ФБИ во Ново Мексико: „Не велам дека е поврзано, но би било интересно да се знае дали тоа произвело зголемување на метеоролошката активност“, гласи еден од коментарите.