Јувентус игра поголем дел од сезоната без 27-годишниот Пауло Дибала.
Минатогодишниот МВП на Серија А одигра само 859 минути од есента наваму и постигна три гола на 16 настапи, со две асистенции.
Аргентинецот страда од повреда на левото колено, но веќе два месеци не може целосно да го реши проблемот. Неодамна, асот на Јувентус беше во Барселона кај познатиот доктор Кугата, експерт за ваков вид повреди, но немаше напредок во дијагнозата. Дибала сè уште чувствува болка во коленото при напор. Лекарите што ги посетува не можат точно да утврдат каде е проблемот
Страдањата за Дибала почнаа на 10 јануари кога беше заменет во првото полувреме од мечот со Сасуоло. Првичните прогнози беа дека нема да игра 10 до 20 дена. Првичната дијагноза укажува на мала повреда на медијалниот колатерален лигамент, но се покажува дека е нешто посложено. Штом Дибала ќе се обиде да се врати на тренинг, болката ќе остане во истата област.
Дибала веќе е на работ на очај бидејќи сезоната наскоро влегува во самиот финиш. На Јувентус му требаат неговите голови во борбата за четвртфиналето во Лигата на шампиони, како и во „ловот“ на Интер во Серија А.
