Македонскиот репрезентативен голман се враќа назад во Португалија, но сега во тимот на Порто.
После три години Никола Митревски повторно ќе игра ракомет во Португалија. Прекинувањето на сезоната во македонската лига му дозволи да направи траснфер напуштајќи го тимот на Еурофарм Пелистер од својата родна Битола.
Порто на својата клупска веб-страница потврди дека Митревски ќе ги брани сино-белите бои во наредната 2020/21 сезона.
„Минатат сезона има можност да играм против Порто во ЕХФ купот и сега знам како сѐ функционира во клубот. Многу сум задоволен со овој трансфер бидејќи знам како се одвиваат работите во Порто и кога стигна понудата, не се мислев многу дали да ја прифатам“, вели Митревски.
Тој во сезоните 2015/16 и 2016/17 настапуваше за ривалот Бенфика со која ги освои Португалскиот куп и Суперкупот. Потоа настапуваше за романска Доброџеа Суд, а изминатава сезона за Еурофарм Пелистер.
„Изминатава сезона за мене беше болна, како и за сите спортисти. Сезона прекината поради пандемија. Мислам дека Порто беше во одлична форма и можеше да стигне и до фајнл-фор. Беа на едно многу високо ниво и поставија пример како треба да фукционира еден ракометен клуб“.
„Се надевам ќе се адаптирам добро и ќе имаме одчична сезона со многу победи и многу титули. Повторно ќе ги освоиме титулите во Португалија и ќе се обидеме да влеземе во фајнл-фор од Лигата на шампиони“, изјави Митревски.