Според поранешниот интернационалец во дресот на Работнички, Гечевски бил НБА материјал, но не тренирал доволно, а згора да тоа уживал во непријателот на спортистите - цигарите.
Во едно прилично обемно интервју за Mozzart Sport, српскиот кошаркар Александар Митровиќ проговори за многу работи. Од времето поминато во Македонија, кога го носеше дресот на Работнички, засекогаш ќе го памети Тодор Гечевкси, играч кој му оставил најголем впечаток и за кој смета дека имал НБА квалитети.
„Големи кошаркарски мајстори играа таму. Беше и Тодор Гечевски, значи тоа е најголемиот мајстор на сите времиња! Тој малку да тренираше во животот, ќе беше НБА играч. Ама, си палеше цигари, си палеше во Кавадарци и тоа му беше најубаво. Тука беше и Чековски, „избацувач“, исто така добар играч. Нормално и Миљан Павковиќ со кој беше милина да се игра бидејќи ја разбираше кошарката“
Популарниот Аљоша за Работнички играше кратко. Дојде на средината од февруари 2015, но веќе во мај си замина. За тој период сепак имал доволно време да остане импресиониран од Тоше.